მთავარი
ფორმულაწყარო
  1. მთავარი
  2. ფორმულა
  3. გამჭვირვალობა: სამცხე ჯავახეთში 11 მუნიციპალური ორგანიზაციის დირექტორი კანონს ღიად არღვევს
გამჭვირვალობა: სამცხე ჯავახეთში 11 მუნიციპალური ორგანიზაციის დირექტორი კანონს ღიად არღვევს

გამჭვირვალობა: სამცხე ჯავახეთში 11 მუნიციპალური ორგანიზაციის დირექტორი კანონს ღიად არღვევს

ფორმულა|formulanews.ge

"საერთაშორისო გამჭვირვალობა საქართველო" აქვეყნებს სტატიას - "რას მალავენ ჩინოვნიკები, რომლებსაც ხალხის ჯიბიდან თითქმის 20 მილიონი ლარი ჩააბარეს."

გამჭვირვალობის ცნობით, სამცხე ჯავახეთში 11 მუნიციპალური ორგანიზაციის დირექტორი კანონს ღიად არღვევს და სავალდებულო ქონებრივ დეკლარაციას წლებია არ ავსებს.

აღნიშნულია, რომ კანონმდებლობით თუ მუნიციპალური ააიპის წლიური დაფინანსება 100 000 ლარს აღემატება, მისი ხელმძღვანელი ვალდებულია საკუთარი ქონება და შემოსავლები გაასაჯაროოს. ახალციხის, ადიგენის, ასპინძის, ახალქალაქისა და ნინოწმინდის ამ 11 ორგანიზაციას მარტო 2024 დან 2026 წლამდე ბიუჯეტიდან 19.6 მილიონ ლარზე მეტი გამოეყო, თუმცა მათი უფროსები ქონებრივ მდგომარეობას უკანონოდ მალავენ.

გამჭვირვალობის ინფორმაციით, ადიგენის მერის გოჩა ქიმაძის ძმა - ჯემალ ქიმაძე 2021 წლიდან მართავს "ადიგენის კეთილმოწყობისა და დასუფთავების სამსახურს", რომელმაც სამ წელში 4.47 მილიონი ლარი მიიღო (მარტო 2026 წელს 1.88 მილიონი). ინფორმაციის თანახმად, მას დეკლარაცია არასდროს შეუვსია, ძმები ქიმაძეები კი თანამდებობრივი შეუთავსებლობის კანონს უკვე 6 წელია არღვევენ.

ასევე, მხითარ რსტაკიანი, "ახალქალაქის სერვის ცენტრის" დირექტორი, რომელიც 2022 წლიდან ხელმძღვანელობს ორგანიზაციას, რომელმაც სამ წელში ბიუჯეტიდან 4.41 მილიონი ლარი მიიღო, თუმცა დეკლარაცია არასდროს ჩაუბარებია.

ანდრანიკ ბდოიანი, ნინოწმინდის კომუნალური, კეთილმოწყობისა და დასუფთავების სამსახურის უფროსია, სამ წელში მისმა სამსახურმა 2.23 მილიონი ლარი მიიღო, თავად კი არცერთი დეკლარაცია არ შეუვსია.

ნოდარ გვარამაძე („ასპინძის კეთილმოწყობა“, 2.2 მილიონი ლარი), მამუკა დემეტრაძე („ადიგენის წყალმომარაგება“, 1.47 მილიონი ლარი) და ლევან მარუაშვილი („ასპინძის გარეგანათება“, 1.43 მილიონი ლარი): მილიონიანი დაფინანსების მიუხედავად, სავალდებულო დეკლარაციებს არც ისინი ავსებენ.

გიორგი ბეროშვილი, ახალციხის საკრებულოში "ქართული ოცნების" ფრაქციის ყოფილი თავმჯდომარე და სასაფლაოების მართვის ცენტრის დირექტორია, (526 000 ლარი) რომელსაც თანამდებობაზე დანიშვნიდან დღემდე დეკლარაცია არასდროს შეუვსია.

"კანონს ასევე არღვევენ ადიგენის, ასპინძის, ახალქალაქისა და ნინოწმინდის ჯანდაცვის ცენტრების დირექტორები: რუიზან ქიმაძე, მზიური პაპაშვილი, სირანუშ ტონაკანიანი და გაიანე სიმონიანი (მანამდე კი ტიგრან ეგოიანი).

როცა მილიონობით საბიუჯეტო ლარის განმკარგავი პირები საკუთარ ქონებას უკანონოდ მალავენ, სახელმწიფო კი ამაზე თვალს ხუჭავს, ეს პირდაპირ ახალისებს ნეპოტიზმსა და კორუფციას", - ნათქვამია ინფორმაციაში.

გაზიარება:

ფორმულა

წყარო: formulanews.ge

ორიგინალი სტატია

თემა: დირექტორი

ამ თემას 5 ქართული წყარო აშუქებს — სულ 54 სტატია.

  • ბრალდებული მკვლელობის განხორციელებას იმ დროს ითხოვდა, როდესაც მათი სამი არასრულწლოვანი შვილი დედასთან არ იქნებოდა - ცენტრალური კრიმინალური პოლიციის დეპარტამენტის დირექტორი საქმის დეტალებზერუსთავი 2
  • მეტროს ვაგონების რემონტიდან 41 მილიონის მითვისებისთვის, მერიის კონტრაქტორის დირექტორი დააკავესBM.GE
  • ექსკლუზივი: "პირველების" ინფორმაციით, დააკავეს თბილისის მერიის ელექტრომოძრავი შემადგენლობის სარემონტო ქარხნის დირექტორი, გელა ძიძიკაშვილიტვ პირველი
  • გლდანის ციხის დირექტორი თანამდებობიდან გაათავისუფლესნეტგაზეთი
დირექტორი →კანონში →

მსგავსი სტატიები

ნიკოლოზ ღუნაშვილის დედა: რატომ გრძელდება ბრალდებულის სამედიცინო დაწესებულებაში ყოფნა

ნიკოლოზ ღუნაშვილის დედა: რატომ გრძელდება ბრალდებულის სამედიცინო დაწესებულებაში ყოფნა

ფორმულა

ტრამპი სი ძინ პინთან და ვლადიმერ პუტინთან შესახვედრად გაემგზავრა

ტრამპი სი ძინ პინთან და ვლადიმერ პუტინთან შესახვედრად გაემგზავრა

ფორმულა

IPI: ვგმობთ გურამ როგავას სასამართლო პროცესიდან ჩამოშორებას

IPI: ვგმობთ გურამ როგავას სასამართლო პროცესიდან ჩამოშორებას

ფორმულა

უკრაინის გენშტაბი ყირიმის ხიდზე: ოკუპაციის სიმბოლოს ბზარი გაუჩნდა

უკრაინის გენშტაბი ყირიმის ხიდზე: ოკუპაციის სიმბოლოს ბზარი გაუჩნდა

ფორმულა