23-ე ბატალიონის ყოფილი მეთაური გიორგი ბარამიძის განცხადებაზე: ომის პირველი დღიდან ვიცი რა, სად, როგორ ხდებოდა. ის, რაც გიორგი ბარამიძემ თქვა არ მომხდარა. ხელი არ უხლიათ არავისთვის, გადაცვლა მაშინ ტყვეების არ იყო და კი არ გადავცვალეთ, ჩავაბარეთ უბრალოდ
ომის პირველი დღიდან ვიცი რა, სად, როგორ ხდებოდა. ასეთი რაღაც, რაც იმან თქვა [გიორგი ბარამიძემ] მე ყოველ შემთხვევაში, სადაც ვიყავი არასდროს მომხდარა, - განაცხადა „ქრონიკასთან“ 23-ე ბატალიონის ყოფილმა მეთაურმა დათო ღვინჯილიამ.
მისი თქმით, იმ პერიოდში ტყვეების გადაცვლა არ ხდებოდა, ამიტომ ყველა, ვინც ქართველ სამხედროებს ჰყავდათ „უკან ჩააბარეს“. „ხელი არ უხლიათ არავისთვის, ყველა გვყავდა ერთ ადგილას და მერე კი არ გადავცვალეთ, ჩავაბარეთ უბრალოდ. გადაცვლა მაშინ ტყვეების არ იყო და უბრალოდ ჩავაბარეთ“, - განაცხადა დათო ღვინჯილიამ.
გიორგი ბარამიძემ, რომელმაც თქვა, რომ აფხაზეთის ომის დროს ქართველები ტყვეებს ხვრეტდნენ, მწვავე გამოხმაურებების შემდეგ, განმარტება გააკეთა. თუმცა, პოლიტიკოსი ვიდეო მიმართვაში იგივე შინაარსის განცხადებას აკეთებს. ბარამიძის თქმით, მომხდარი არა ქართული ჯარის დანაშაული, არამედ ომის დროს ბუნებრივი მოვლენაა, როცა გამწარებული ხალხი ტყვეებს არ ინდობს.
იმედი
წყარო: imedinews.ge