28 მაისს, პარლამენტი პლენარულ სხდომაზე, ინტერპელაციის წესით საქართველოს განათლების, მეცნიერებისა და ახალგაზრდობის მინისტრს, გივი მიქანაძეს მოუსმენს
„ქართული ოცნების“ გორგასლის ოფისში საპარლამენტო უმრავლესობის სხდომა გაიმართა.
ხუთშაბათს, 28 მაისს, პარლამენტი პლენარულ სხდომაზე, ინტერპელაციის წესით საქართველოს განათლების, მეცნიერებისა და ახალგაზრდობის მინისტრს, გივი მიქანაძეს მოუსმენს.
უმრავლესობის სხდომაზე საუბარი შეეხო მიმდინარე აქტუალურ პოლიტიკურ საკითხებს.
უმრავლესობის წევრებმა განიხილეს ყველა ის საკანონმდებლო ინიციატივა და ცვლილება, რომლის მიღებაც საგაზაფხულო სესიის დასრულებამდე არის დაგეგმილი.
სხდომაზე მსჯელობის ერთ-ერთი თემა იყო 26 მაისთან დაკავშირებული ღონისძიებები. აღინიშნა, რომ საქართველოს დამოუკიდებლობის დღე თითოეული ქართველისთვის განსაკუთრებული მნიშვნელობის მატარებელია და ქვეყნის მასშტაბით დაგეგმილი ღონისძიებები შესაბამის დონეზე გაიმართება.
უმრავლესობის წევრებმა მიმდინარე სასესიო კვირის დღის წესრიგზეც იმსჯელეს.
ინფორმაციას „ქართული ოცნების“ პრესსამსახური ავრცელებს.
იმედი
წყარო: imedinews.ge