4 ოქტომბრის აქციაზე ბრალდებულებმა მოსამართლესა და სახელმწიფო ბრალმდებელს მუქარის ტონით მიმართეს

4 ოქტომბრის აქციაზე ძალადობრივ პროცესებში ბრალდებულებმა სასამართლოს სიტყვით მიმართეს. ისინი წარდგენილ ბრალს არ აღიარებენ და უსაფუძვლოს უწოდებენ.

სასამართლოზე მოგვიანებით შეფასდა, რომ ბრალდებულების განცხადებებში მუქარანარევი ტონი იკითხებოდა როგორც მოსამართლის, ასევე სახელმწიფო ბრალმდებლის მიმართ.

„ერთი პროცენტი გაქვთ დარჩენილი, სანამ ჯადოსნურ ჩაქუჩს დაარტყამთ. კარგად დაფიქრდით, ძალიან ცუდად იქნება ყველაფერი", - განაცხადა პროცესზე ზაქრო ალბუთაშვილმა.

„არ ჩამიდენია არაფერი, ღობეს ვაჯანჯღარებდი... აი, რომ მომისჯით, ხომ გამოვალ, მოვალ თქვენთან სახლში, მივესალმები თქვენი ოჯახის წევრებს, როცა იქნება ხომ გამოვალ და ვეტყვი, რომ ამის გამო გამიშვა ციხეში თქვენმა ოჯახის წევრმა“, - თქვა კახა მჟავანაძემ.

„არ ვაღიარებ არაფერს, ქალაქელი კაცი ვარ. სარკეში ჩაიხედეთ, რას გავხართ. მომისჯით? გამოვალ, მოგაკითხავთ სახლში, თვალებში ჩაგხედავთ, გაიგეთ, ბატონო პროკურორო?!", - აღნიშნა კონსტანტინე კოკაიამ.

4 ოქტომბრის საქმეზე ბრალდებულებს გიორგი ჩახუნაშვილს, კონსტანტინე კოკაიას, დავით სტურუას, კახაბერ მჟავანაძეს, დავით ჟღენტსა და ზაქრო ალბუთაშვილს 5-5-წლიანი პატიმრობა მიესაჯათ, ხოლო ია დარახველიძეს - 3 წელი