მარკ რუტეს განცხადებით, 22 ქვეყანა ჰორმუზის სრუტის გასახსნელად ძალისხმევას აერთიანებს

ნატოს გენერალური მდივნის განცხადებით, შეერთებული შტატების პრეზიდენტი ევროპელი მოკავშირეებით გაბრაზებული იყო, ახლო აღმოსავლეთში მიმდინარე პროცესებზე ნელი რეაგირების გამო.

მარტ რუტეს თქმით, მას შემდეგ, 22 სახელმწიფო, მათ შორის ალიანსის წევრი ქვეყნები, ასევე იაპონია, სამხრეთ კორეა და არაბთა გაერთიანებული საამიროები შეთანხმდნენ, რომ ჰორმუზის სრუტის უსაფრთხოების უზრუნველსაყოფად ძალისხმევას გააერთიანებენ.

ჩრდილოატლანტიკური ალიანსის გენერალური მდივნის თქმით, მოკავშირეები ერთობლივი ძალისხმევით ეცდებიან, რაც შეიძლება მალე გახსნან ჰორმუზის სრუტე.

„ვიცი, რომ [აშშ-ის] პრეზიდენტი უკმაყოფილო იყო, რადგან მიიჩნევს, რომ ევროპა და სხვა მოკავშირეები ზედმეტად ყოყმანობენ. თუმცა, კარგი ამბავი ის არის, რომ ხუთშაბათიდან 22 ქვეყნისგან შემდგარი ჯგუფი, რომელთა უმეტესობაც ნატოს წევრია, ასევე იაპონია, სამხრეთ კორეა, ავსტრალია, ახალი ზელანდია, არაბთა გაერთიანებული საამიროები და ბაჰრეინი, აერთიანებს ძალისხმევას, რათა განახორციელოს მისი ხედვა ჰორმუზის სრუტეში თავისუფალი მიმოსვლის უზრუნველსაყოფად, რაც შეიძლება მალე. ასე რომ, ჩვენ ახლა დაგეგმარების პროცესში ვართ“, - განაცხადა მან ტელეკომპანია Fox News-თან ინტერვიუში.