საფრანგეთის ყოფილი პრემიერ-მინისტრი ლიონელ ჟოსპენი გარდაიცვალა

საფრანგეთის ყოფილი პრემიერ-მინისტრი ლიონელ ჟოსპენი, 88 წლისა გარდაიცვალა. ინფორმაციას მედია მისი ოჯახის განცხადებაზე დაყრდნობით ავრცელებს.

ჟოსპენი, რომელიც მთავრობას 1997-დან 2002 წლამდე ხელმძღვანელობდა, კვირას გარდაიცვალა. იანვარში მან აღნიშნა, რომ „სერიოზული ოპერაცია“ ჩაიტარა და სახლში დასასვენებლად დაბრუნდა, თუმცა დეტალები არ დაუკონკრეტებია.

ჟოსპენი 1937 წლის 12 ივლისს, მედონში, პროტესტანტულ ოჯახში დაიბადა. მან განათლება პარიზის პოლიტიკურ მეცნიერებათა ინსტიტუტში მიიღო, რის შემდეგაც სწავლა საფრანგეთის ელიტარულ სასწავლებელში - ადმინისტრირების ეროვნულ სკოლაში (ENA) განაგრძო, რომელიც მაღალი რანგის საჯარო მოხელეებს ამზადებს.

მის სახელს უკავშირდება 35-საათიანი სამუშაო კვირის შემოტანა და უფასო ჯანდაცვის სისტემის გაფართოება.