რა ვითარებაა ახლო აღმოსავლეთში

ირანი შეერთებული შტატებისა და ისრაელის წინააღმდეგ ოპერაციის 85-ე ტალღის დაწყების შესახებ იუწყება და დარტყმების გააქტიურებას აანონსესბს. განცხადება ისლამური რევილუციის გუშაგთან კორპუსმა თეირანზე მასირებული იერიშის შემდეგ გავრცელა.

ღამით თითქმის ორსაათიანი უწყვეტი ავიაიერიშების სამიზნეში ირანის დედაქალაქის რამდენიმე რაიონი მოექცა. ცაჰალის ცნობით, „დარტყმების ტალღის“ სამიზნე სამთავრობო ინფრასტრუქტურა იყო. სამხედრო ოპერაცია გრძელდება ლიბანის სამხრეთ ნაწილშიც.

ირანმა ქუვეითის საერთაშორისო აეროპორტზე იერიში მიიტანა. ქუვეითის სამოქალაქო ავიაციის სამმართველოს ინფორმაციით, რამდენიმე დრონის დარტყმის შედეგად, აეროპორტის რადარების სისტემა სერიოზულად დაზიანდა. ოფიციალური ინფორმაციით, თავდასხმის შედეგად არავინ დაშავებულა

დარტყმები განხორციელდა ერაყზეც. ქვეყნის ჩრდილოეთ ნაწილში მდებარე ქალაქ კირკუკზე განხორციელებულ დარტყმას ერაყის სახალხო მობილიზაციის ძალების, „ჰაშდ ალ-შააბის“ 3 მებრძოლის სიცოცხლე ემსხვერპლა, 6 კი დაშავდა. თავდასხმის შემდეგ კვამლი ამოდიოდა ირანის მიერ მხარდაჭერილი ერაყის სახალხო მობილიზაციის ძალების შტაბბინიდანაც. ყოფილი პარამილიტარული კოალიცია, რომელიც ამჟამად ერაყის რეგულარული შეიარაღებული ძალების ნაწილია, თავდასხმაში შეერთებულ შთატებს და ისრაელს ადანაშაულებს.

ისრაელზე მეორე იერიში განახორციელეს იემენელმა ჰუსიტებმა და პირობა დადეს, რომ დარტყმებს მომდევნო დღეებშიც გააგრძელებენ.