შეიარაღებული თავდასხმა სტამბოლში ისრაელის საკონსულოზე. დაღუპულია ორი თავდამსხმელი
იმედი|imedinews.ge
თურქეთის ქალაქ სტამბოლში მდებარე ისრაელის საკონსულოზე უცნობმა პირებმა შეიარაღებული თავდასხმა განახორციელეს. ინფორმაციას Reuters-ი ავრცელებს.
სააგენტოს ცნობით, სროლის შედეგად ორი თავდამსხმელი ლიკვიდირებულია, ხოლო კიდევ ერთი მძიმედ არის დაჭრილი. დაიჭრა აგრეთვე ორი პოლიციელი.
მომხდარს სოციალურ ქსელ X-ში გამოეხმაურა თურქეთის შინაგან საქმეთა მინისტრი, მუსტაფა ჩიფთჩი. როგორც მინისტრის მიერ გავრცელებულ ინფორმაციაშია აღნიშნული, თავდამსხმელები იდენტიფიცირებულები არიან.
მათ ქალაქ იზმითში მანქანა იქირავეს და სტამბოლში ჩავიდნენ. ერთ-ერთი თავდამსხმელი ადრე ნარკოდანაშაულის ბრალდებით სასჯელს იხდიდა.
გაზიარება:
IM
იმედი
წყარო: imedinews.ge