ზელენსკი: რუსეთი კვლავ ცდილობს ბელარუსის ჩართვას უკრაინის წინააღმდეგ ომში

რუსეთი კვლავ ცდილობს ბელარუსის ჩართვას უკრაინის წინააღმდეგ ომში, - განაცხადა უკრაინის პრეზიდენტმა, ვოლოდიმირ ზელენსკიმ.

„დაზვერვის მონაცემებით, ბელარუსის სასაზღვრო ზონაში უკრაინის ტერიტორიისკენ მიმავალი გზების მშენებლობა და საარტილერიო პოზიციების მოწყობა მიმდინარეობს. მივიჩნევთ, რომ რუსეთი მორიგჯერ შეეცდება ბელარუსის ჩათრევას თავის ომში“, - აღნიშნა მან.

უკრაინის პრეზიდენტმა განაცხადა, რომ შესაბამისი არხების მეშვეობით დაავალა ბელარუსის ფაქტობრივი ხელმძღვანელობის გაფრთხილება უკრაინის მზადყოფნის შესახებ, დაიცვას საკუთარი მიწა და დამოუკიდებლობა.

„ვენესუელაში ბოლო დროს განვითარებული მოვლენების ხასიათმა და შედეგებმა ბელარუსის ხელმძღვანელობა შეცდომებისგან უნდა შეიკავოს“, - აღნიშნავს ის.