POLITICO: ფონ დერ ლაიენი და კოშტა რუსეთისადმი ლოიალურად განწყობილ რადევს ბულგარეთის არჩევნებში გამარჯვებას ულოცავენ

ევროპის უმაღლესმა ოფიციალურმა პირებმა ორშაბათს ბულგარეთის მომავალ ლიდერს, რუმენ რადევს კვირას გამართულ არჩევნებში მისი პარტიის, „პროგრესული ბულგარეთის“ გამარჯვება მიულოცეს, მიუხედავად გარკვეული შეშფოთებისა მისი რუსეთისადმი სიმპათიით განწყობილი პოზიციების გამო, - წერს გამოცემა POLITICO.

ევროკომისიის პრეზიდენტმა, ურსულა ფონ დერ ლაიენმა განაცხადა, რომ მოუთმენლად ელის რადევთან თანამშრომლობას ევროპის „კეთილდღეობისა და უსაფრთხოებისთვის“.

„ბულგარეთი ევროპული ოჯახის ამაყი წევრია და მნიშვნელოვან როლს ასრულებს ჩვენი საერთო გამოწვევების დაძლევაში“, - დაწერა მან X-ზე.

ევროპული საბჭოს პრეზიდენტმა, ანტონიუ კოშტამ რადევს გამარჯვება მიულოცა.

„როგორც დღეს დილით ჩვენი სატელეფონო საუბრისას აღვნიშნე, მოუთმენლად ველი ევროპულ საბჭოში თქვენთან ერთად მუშაობას ჩვენს საერთო დღის წესრიგზე კეთილდღეობის მქონე, ავტონომიური და უსაფრთხო ევროპისთვის“, - დაწერა მან X-ზე.

რადევი უკრაინას მშვიდობისკენ მოუწოდებდა. იგი მხარს არ უჭერს კიევისთვის იარაღის გაგზავნას.

ნატოს გენერალურმა მდივანმა, მარკ რუტემ აღნიშნა, რომ იგი რადევთან „საერთო უსაფრთხოების გამოწვევებზე თანამშრომლობის გაგრძელებას ელოდება“.