ზელენსკი: ამერიკელები მუდმივად ეკონტაქტებიან ირანელებს, ხოლო უკრაინისთვის არ იცლიან

უკრაინის პრეზიდენტის, ვოლოდიმირ ზელენსკის განცხადებით, ამერიკელები ბოლო პერიოდში მუდმივად ეკონტაქტებიან ირანელებს, ხოლო უკრაინისთვის არ იცლიან.

ზელენსკის თქმით, ირანში ომმა და მოლაპარაკებებმა, რომლებიც შემდგომ დაიწყო, ვაშინგტონს რუსეთ-უკრაინის ომიდან ყურადღება გადაატანინა.

„ისინი მუდმივად ეკონტაქტებიან ირანელებს, ხოლო უკრაინისთვის არ იცლიან“, - განაცხადა ზელენსკიმ და აღნიშნა, რომ თავის განცხადებაში აშშ-ის პრეზიდენტის სპეციალურ წარმომადგენელს, სტივ უიტკოფსა და ბიზნესმენ ჯარედ კუშნერს გულისხმობს.

უკრაინის ლიდერის თქმით, აშშ-ს რუსეთთან უფრო კონსტრუქციული დიპლომატიური კონტაქტები აქვს, ვიდრე ევროპასთან. მისი თქმით, ევროპული ქვეყნების ჩართვა მოლაპარაკებების პროცესში დღემდე სირთულეს წარმოადგენს.