CNN: ბოლო მონაცემების თანახმად, რეგიონში კონფლიქტის დაწყებიდან, ექვს კვირაზე მეტი ხნის განმავლობაში, ირანსა და ლიბანში 5 500-ზე მეტი ადამიანი დაიღუპა
იმედი|imedinews.ge
ადგილობრივი ხელისუფლებების მიერ გავრცელებული ბოლო მონაცემების თანახმად, რეგიონში კონფლიქტის დაწყებიდან, ექვს კვირაზე მეტი ხნის განმავლობაში, ირანსა და ლიბანში 5 500-ზე მეტი ადამიანი დაიღუპა. ინფორმაციას ამის შესახებ ტელეკომპანია CNN-ი ავრცელებს.
ლიბანის ჯანდაცვის სამინისტრომ დღეს განაცხადა, რომ 2 მარტის შემდეგ ქვეყანაში ისრაელის თავდასხმების შედეგად, სულ მცირე, 2 167 ადამიანი დაიღუპა, მათგან, სულ მცირე, 43 შემთხვევა ბოლო 24 საათის განმავლობაში დაფიქსირდა.
უწყების ცნობით, დაღუპულთა შორის, სულ მცირე, 172 ბავშვი და 91 სამედიცინო მუშაკია.
ირანის სახელმწიფო მედიის მიერ გავრცელებული ინფორმაციით, მას შემდეგ, რაც თებერვალში აშშ-მა და ისრაელმა ქვეყანაზე იერიშები დაიწყეს, ირანში, სულ მცირე, 3 375 ადამიანი დაიღუპა.
გაზიარება:
IM
იმედი
წყარო: imedinews.ge