თეთრი სახლი ირანთან შეთანხმების პერსპექტივებს დადებითად აფასებს

თეთრმა სახლმა ოთხშაბათს განაცხადა, რომ ტრამპის ადმინისტრაცია ირანთან „შეთანხმების პერსპექტივებს დადებითად აფასებს“. ამასთანავე აღინიშნა, რომ პირისპირ მოლაპარაკებების პოტენციური მეორე რაუნდის სავარაუდო ადგილი პაკისტანი იქნება.

„ოფიციალური არაფერია მანამ, სანამ ამას ჩვენგან, აქ, თეთრი სახლიდან არ მოისმენთ“, - განუცხადა პრესმდივანმა კეროლაინ ლევიტმა ჟურნალისტებს კიდევ ერთი შესაძლო შეხვედრის შესახებ. „თუმცა, შეთანხმების პერსპექტივებთან დაკავშირებით ოპტიმისტურად ვართ განწყობილნი“.

მან ასევე დასძინა, რომ აშშ-ის ნებისმიერი დელეგაცია, სავარაუდოდ, კვლავ ისლამაბადში დაბრუნდება, სადაც გასულ უქმეებზე ირანელებთან მოლაპარაკებებს ვიცე-პრეზიდენტი ჯეი დი ვენსი ხელმძღვანელობდა.

„ძალიან დიდია იმის ალბათობა, რომ ისინი იმავე ადგილას შეხვდნენ ერთმანეთს, სადაც წინა ჯერზე“, - აღნიშნა ლევიტმა.