The European Conservative: არჩევნებში ვიქტორ ორბანის დამარცხების შემდეგ, უნგრეთში ლგბტ თემატიკის ტელევიზიის გახსნა იგეგმება - არხს „ცისარტყელა“ დაერქმევა

The European Conservative-ზე გამოქვეყნდა სტატია, რომლის თანახმად, უნგრეთში Rainbow TV-ის სახელით ლგბტ თემატიკის მედია პლატფორმის შექმნა იგეგმება.

სტატიის მიხედვით, ქვეყნის მედიის მარეგულირებელ ორგანოში შეტანილია განაცხადი ახალი არხის შექმნის თაობაზე, სახელად Rainbow TV, რომლის ფორმატიც მოიცავს როგორც ტრადიციულ სატელევიზიო მაუწყებლობას, ასევე ონლაინ სტრიმინგ პლატფორმას.

განაცხადის მიხედვით, არხი იმუშავებს 24-საათიანი პროგრამით, რომელიც ეროვნული მედია-რეგულაციების მიხედვით იქნება სტრუქტურირებული.

არხის კონტენტი მოიცავს კულტურულ და გასართობ გადაცემებს, მუსიკალურ და არტისტულ შოუებს, ცხოვრების სტილის და კულინარიულ გადაცემებს, თოქ-შოუებსა და ინტერვიუებს.

ასევე ცალკე გათვალისწინებულია გადაცემები, რომლებიც შეეხება ლგბტ ისტორიასა და მასთან დაკავშირებულ თემებს, პარალელურად კი იქნება ფართო აუდიტორიაზე გათვლილი ზოგადი კონტენტიც.

ასევე, არხზე განთავსებული 18+ კონტენტი ხელმისაწვდომი იქნება მხოლოდ სრულწლოვანი აუდიტორიისთვის. სტატიაში აღნიშნულია, რომ დამატებითი დეტალები არხის გაშვებასთან დაკავშირებით მოგვიანებით გახდება ცნობილი.

აღსანიშნავია, რომ ეს პროცესი მიმდინარეობდა იმ პერიოდშიც, როდესაც უნგრეთში ჩატარებული არჩევნების შედეგად მმართველმა კონსერვატიულმა ძალებმა დამარცხება განიცადეს.