ბრიტანეთში 2009 წლის 1 იანვრის შემდეგ დაბადებულებს თამბაქოსა და ელექტროსიგარეტებს აღარ მიჰყიდიან

გაერთიანებული სამეფოს პარლამენტმა მიიღო კანონი, რომლის თანახმადაც 2009 წლის 1 იანვრის შემდეგ დაბადებულ ადამიანებს თამბაქოსა და ელექტროსიგარეტებს აღარ მიჰყიდიან. ინფორმაციას The Guardian-ი ავრცელებს.

გამოცემის ინფორმაციით, ამით დიდ ბრიტანეთში ფიქრობენ, რომ თამბაქოსგან თავისუფალ თაობას ჩამოაყალიბებენ.

კანონპროექტი ბრიტანეთის პარლამენტში 2024 წლის 5 ნოემბერს იყო ინიციირებული. ახლა, ყველა საფეხურის გავლის შემდეგ კანონს ხელი გაერთიანებული სამეფოს მეფემ, ჩარლზ მესამემ უნდა მოაწეროს, რის შემდეგაც ის ძალაში შევა.

ხელისუფლების წარმომადგენლებს იმედი აქვთ, რომ კანონის წყალობით ქვეყანაში თამბაქოს გაყიდვა დასრულდება.

გადაწყვეტილებას ისტორიული უწოდა ჯანდაცვის მინისტრმა, უეს სთრითინგმა და თქვა, რომ ბრიტანეთში გაიზრდება ახალი თაობა რომელიც თამბაქოს არასდროს მოიხმარს.