დავით ლორთქიფანიძე პატრიარქზე: ეროვნული საგანძურის მსგავსი მცველი ჩვენს ქვეყანას არ ჰყოლია
ეროვნული საგანძურის მსგავსი მცველი ჩვენს ქვეყანას არ ჰყოლია, - ასე იხსენებს საქართველოს კათოლიკოს პატრიარქს, ილია მეორეს ეროვნული მუზეუმის გენერალური დირექტორი, დავით ლორთქიფანიძე.
როგორც მან აღნიშნა, პატრიარქი თანამედროვე მეცნიერების დიდი მხარდამჭერი იყო.
„უნეტარესი და უწმინდესი იყო ფართო მასშტაბის პიროვნება. მსგავსი შერწყმა დიდი სულიერი ლიდერისა და ასევე განსაკუთრებული დამოკიდებულება და ჰარმონია საერო ცხოვრებასთან, ძნელად წარმოსადგენია. ეს არის დიდი საერთაშორისო მასშტაბის ფიგურა, რომლის ბიოგრაფიის კვლევა ჯერ კიდევ წინ გვაქვს.
ეროვნული საგანძურის მსგავსი მცველი ჩვენს ქვეყანას არ ჰყოლია. პატრიარქი იყო ადამიანი, რომელიც თავის თავში ატარებდა რწმენისა და ცოდნის ერთიანობის მაგალითს, რაც დღეს ყველაზე მეტად გვჭირდება ყველას“, - აღნიშნა დავით ლორთქიფანიძემ.
ილია მეორეს სიონის ტაძარში 22 მარტს დაკრძალავენ.
საქართველოს კათოლიკოს-პატრიარქი ილია მეორე 2026 წლის 17 მარტს 93 წლის ასაკში გარდაიცვალა.
იმედი
წყარო: imedinews.ge