კახა მიქიაშვილი: თითქოს ღმერთმა გვაჩვენა უწმინდესის სახით, როგორი უნდა იყოს არა მხოლოდ პატრიარქი, არამედ - ადამიანი, იმ პირველქმნილი ადამიანის სახე, როგორც ღმერთმა ჩაიფიქრა

თითქოს ღმერთმა გვაჩვენა უწმინდესის სახით, როგორი უნდა იყოს არა მხოლოდ პატრიარქი, არამედ - ადამიანი, იმ პირველქმნილი ადამიანის სახე, როგორც ღმერთმა ჩაიფიქრა, - განაცხადა მსახიობმა, კახა მიქიაშვილმა გადაცემაში „ჩემი საქართველო“.

მისივე თქმით, პატრიარქი იყო უკიდეგანოდ კულტურული.

„პატრიარქი იყო საოცრად მოწესრიგებული, ურთიერთობებში უშუალო და თავმდაბალი, ჰქონდა ზღაპრული იუმორი. მასზე წარსულში საუბარი ძალიან მძიმეა. ახლა განცდა მაქვს, რომ ჩვენ თურმე არ ვიცოდით პატრიარქის სიდიადე და ახლა ვიგებთ. ჩვენ ვიცოდით ერთი პატრიარქი და ახლა ვიწყებთ გაგებას იმ პატრიარქის, რომელიც რეალურად იყო და ღმერთმა გვანახა როგორ განადიდა ის. იმ დღეებს რომ ვახსენებთ, ჩემს თვალწინ ძალიან ბევრი სასწაული მოხდა. ერთი მწერს, რომ მოიყვანეს შვილი, რომელიც გაივლიდა თუ არა არ იცოდნენ, ემთხვიეს [პატრიარქს] და ბავშვმა გაიარა. ერთი შემთხვევა ვიცი, რომ პანაშვიდიდან წავიდნენ მანქანით, ჩაეძინათ, მანქანა გადავარდა და უვნებლები გადმოვიდნენ. ახლაც გვაჩვენებს, რომ უფრო ზრუნავს ჩვენზე“, - აღნიშნა კახა მიქიაშვილმა.

საქართველოს კათოლიკოს-პატრიარქი ილია მეორე 2026 წლის 17 მარტს 93 წლის ასაკში გარდაიცვალა.