სეს-ის ვეტერინარიის დეპარტამენტის უფროსი: მიუსაფარი ცხოველები გადაჰყავთ ცხოველთა თავშესაფარში, სადაც ხდება მათი სტერილიზაცია-კასტრაცია, ცოფის საწინააღმდეგო ვაქცინაცია. შემდეგ ისევ უკან, გარემოში აბრუნებენ

მიუსაფარი ცხოველები ქუჩიდან აჰყავთ, რის შემდეგაც გადაჰყავთ ცხოველთა თავშესაფარში. იქ ხდება მათი სტერილიზაცია-კასტრაცია, რეგისტრაცია-იდენტიფიკაცია და ცოფის საწინააღმდეგო ვაქცინაცია, - განაცხადა სურსათის ეროვნული სააგენტოს ვეტერინარიის დეპარტამენტის უფროსმა, დემნა ხელაიამ.

„ამის შემდეგ ისევ უკან, გარემოში აბრუნებენ“, - აღნიშნა მან.

ცნობისთვის, ცხოველების დაწვის შესახებ სოციალურ ქსელში გავრცელებულ ინფორმაციას დღეს სურსათის ეროვნული სააგენტო გამოეხმაურა. სეს-ში აცხადებენ, რომ ბრალდებები სრულიად უსაფუძვლოა.

მათივე ცნობით, ძაღლების ჰიპერპოპულაციის მართვის პროგრამა, რომელმაც უნდა უზრუნველყოს როგორც ცხოველების დაცვა, ასევე ადამიანების უსაფრთხოება, ეტაპობრივად ამოქმედდება და ის ითვალისწინებს ძაღლების ცოფის საწინააღმდეგო ვაქცინაციას, ჩიპირებას, ერთიან ბაზაში რეგისტრაციას და კასტრაცია-სტერილიზაციას.