გიორგი ვოლსკი: რაც ვიხილეთ პატრიარქთან გამომშვიდობების დღეებში, ეს იყო იმის დემონსტრირება, რას წარმოადგენს ერი, რისკენ აქვს მისწრაფება
ჩვენ რაც ვიხილეთ პატრიარქთან გამომშვიდობების დღეებში, ეს იყო იმის დემონსტრირება, რას წარმოადგენს ერი, რისკენ აქვს მისწრაფება, - განაცხადა „დღის ქრონიკაში“ პარლამენტის პირველმა ვიცე-სპიკერმა, გიორგი ვოლსკიმ.
ვოლსკი ოპოზიციის მიერ 26 მაისს დაანონსებულ აქციას გამოეხმაურა და აღნიშნა, რომ ამ ყველაფერში უცხოეთის ხელი იგრძნობა.
„ეტყობა სერიოზული ანალიზი კეთდება კოლექტიურ „ნაცმოძრაობაში“ ამ ფსიქოლოგიური მომენტის [ პატრიარქთან გამომშვიდობების დღეებში ხალხის ერთიანობის]. იქ [სამების ტაძრის ეზოში, პატრიარქის სამძიმარზე] იყო შეყვირებები, „მოდი გადავანგრიოთ, მივაწვეთ, შევიჭრათ, მაგრამ ვერ განავითარეს.
ეს საპირისპირო ღონისძიებების გატარებას მოითხოვს და ვფიქრობ, ეს [დაანონსებული აქცია] ყველაფერ ამას ემსახურება. რაც შეეხება ოპოზიციის გაერთიანებას, ვნახეთ, რომ გაერთიანდა სხვადასხვა სუბიექტი. ახლა ზოგიერთი ციხეგამოვლილი, კარგად ჩაცმულები, უფრო ორგანიზებულად წარმოჩნდნენ, საკუთარი თავის დემონსტრირება მოახდინეს როგორც მაღალი რანგის პოლიტიკოსებმა და აქ უცხოელი მოკარნახის ხელიც იგრძნობა. სცენარისთვის: გაერთიანება, კოალიცია წინ წამოწეული თემებია და ატყუებენ საზოგადოების იმ ნაწილს, რომელსაც ნაწამები ხალხი არ ახსოვს“, - აღნიშნა გიორგი ვოლსკიმ.
იმედი
წყარო: imedinews.ge