დავით მათიკაშვილი 26 მაისის მოვლენებზე: ეს არის ის დღე, როდესაც „ნაციონალურმა მოძრაობამ“ საკუთარი კრიმინალური სახე მთელ მსოფლიოს აჩვენა - საზოგადოება არ ენდობა კრიმინალებს, რომლებიც პოლიტიკოსის მანტიაში არიან გახვეული

ეს არის ის დღე, როდესაც „ნაციონალურმა მოძრაობამ“ საკუთარი კრიმინალური სახე აჩვენა მთელ მსოფლიოს, როდესაც რუსთაველის გამზირზე სისხლის გუბეები იდგა, ადამიანები დაბლა ეყარნენ, - განუცხადა „იმედის კვირას“ საპროცედურო საკითხთა და წესების საპარლამენტო კომიტეტის თავმჯდომარემ, დავით მათიკაშვილმა 2011 წლის 26 მაისს განვითარებულ მოვლენებზე საუბრისას.

მისივე თქმით, მაშინ მომიტინგეებს არ მისცეს საშუალება დაშლილიყვნენ. პირიქით, მიტინგი ძალადობრივად, ცინიკურად, სადისტურად დაარბიეს, რასაც მსხვერპლი მოჰყვა.

„მათი მხარდაჭერა არის ნული - საზოგადოება არ ენდობა კრიმინალებს, რომლებიც პოლიტიკოსის მანტიაში არიან გახვეული და ქართველი ხალხი არასდროს დაუშვებს „ნაციონალური მოძრაობის“ რეინკარნაციას - მეხუთე კოლონის და მოღალატეთა ხელისუფლებაში დაბრუნებას“, - აღნიშნა მათიკაშვილმა.