გარემოს დაცვისა და ბუნებრივი რესურსების კომიტეტმა „გარემოს დაცვის შესახებ“ კანონში ცვლილებაზე მეორე მოსმენით იმსჯელა
გარემოს დაცვისა და ბუნებრივი რესურსების კომიტეტმა „გარემოს დაცვის შესახებ“ საქართველოს კანონში ცვლილების შეტანის თაობაზე“ კანონპროექტი თანმდევ კანონპროექტთან ერთად, მეორე მოსმენით განიხილა.
საქართველოს მთავრობის საკანონმდებლო ინიციატივა სხდომაზე გარემოს დაცვისა და სოფლის მეურნეობის მინისტრის მოადგილემ ზურაბ ეზუგბაიამ წარადგინა.
კანონპროექტის შემუშავება განპირობებულია საქართველოს ევროკავშირში ინტეგრაციის პროცესის ხელშესაწყობად, სათბურის აირების ემისიების შემცირებისათვის საჭირო ზომების გასატარებლად და ასევე, ენერგეტიკული გაერთიანების დამფუძნებელი ხელშეკრულებიდან გამომდინარე ვალდებულებებით.
კანონპროექტი სათბურის აირების ემისიების ავტორიზაციის, მონიტორინგის, ანგარიშგებისა და დამოწმების სისტემის შექმნასთან დაკავშირებულ საკითხებს ეხება.
როგორც მომხსენებელმა განმარტა, საკითხის პირველი მოსმენით განხილვის შემდეგ გარემოს დაცვისა და ბუნებრივი რესურსების კომიტეტმა წარმოადგინა როგორც შინაარსობრივი, ისე ტექნიკური ხასიათის შენიშვნები, რომელიც მეორე მოსმენის ფარგლებში გაითვალისწინეს.
იმედი
წყარო: imedinews.ge