შალვა პაპუაშვილი სამხრეთ-აღმოსავლეთ აზიის ქვეყნების ასოციაციის საპარლამენტო ასამბლეის გენერალურ მდივანს შეხვდა
საქართველოს პარლამენტის თავმჯდომარე შალვა პაპუაშვილი სამხრეთ-აღმოსავლეთ აზიის ქვეყნების ასოციაციის საპარლამენტო ასამბლეის (AIPA) გენერალურ მდივანს, ქემ ვიდიას შეხვდა.
მხარეებმა ისაუბრეს მიმდინარე საერთაშორისო კრიზისებზე და მათთან გამკლავებისთვის საპარლამენტო დიპლომატიის გაძლიერების მნიშვნელობაზე.
შალვა პაპუაშვილმა გენერალურ მდივანს ინფორმაცია მიაწოდა საქართველოში დაგეგმილი ერთობლივი კონფერენციის შესახებ, რომლის ფარგლებშიც შავი ზღვის ეკონომიკური თანამშრომლობის ორგანიზაციის საპარლამენტო ასამბლეისა (PABSEC) და სამხრეთ-აღმოსავლეთ აზიის ქვეყნების ასოციაციის საპარლამენტო ასამბლეის (AIPA) წევრები შეიკრიბებიან საერთაშორისო გამოწვევებზე სამსჯელოდ. მისი თქმით, აღნიშნული ღონისძიება რეგიონთაშორის დიალოგს მნიშვნელოვნად შეუწყობს ხელს.
შეხვედრა შედგა თურქეთის რესპუბლიკის ქ. სტამბოლში მიმდინარე საპარლამენტთაშორისო კავშირის (IPU) გენერალური ასამბლეის 152-ე სხდომის ფარგლებში.
დელეგაციაში, რომელსაც პარლამენტის თავმჯდომარე შალვა პაპუაშვილი ხელმძღვანელობს, შედიან: საგარეო ურთიერთობათა კომიტეტის თავმჯდომარე ნიკოლოზ სამხარაძე და გარემოს დაცვისა და ბუნებრივი რესურსების კომიტეტის თავმჯდომარე მაია ბითაძე.
იმედი
წყარო: imedinews.ge