აბუ-დაბიში გამართული მსოფლიოს ახალგაზრდული ჩემპიონატი საქართველოს შერეული საბრძოლო ხელოვნებების ნაკრებისთვის წარმატებული გამოდგა - ჩვენი ქვეყნის წარმომადგენლებმა 2 ვერცხლისა და 6 ბრინჯაოს მედალი მოიპოვეს
იმედი|imedinews.ge
არაბთა გაერთიანებული საამიროების დედაქალაქ, აბუ-დაბიში გამართული მსოფლიოს ახალგაზრდული ჩემპიონატი საქართველოს შერეული საბრძოლო ხელოვნებების ნაკრებისთვის წარმატებული გამოდგა. ჩვენი ქვეყნის წარმომადგენლებმა ტურნირზე ოთხ ასაკობრივ კატეგორიაში იასპარეზეს და 2 ვერცხლისა და 6 ბრინჯაოს მედალი მოიპოვეს.
პლანეტის 14-წლამდელთა პირველობაზე მსოფლიოს ვიცე-ჩემპიონი ნოდარ ნოზაძე, 16-წლამდელებს შორის კი გეგა კორძაია გახდა. მესამე საპრიზო ადგილი 14-წლამდელებში ლუკა ბერიძემ, 16-წლამდელებს შორის ლაშა რეხვიაშვილმა, ხოლო 18-წლამდელებში ელენე გლურჯიძემ, რევაზ მჭედლიშვილმა, ბუბა ბუბუნაურმა და რატი რჩეულიშვილმა დაიკავეს. მსოფლიოს ჩემპიონატზე საერთო ჯამში საქართველოს სახელით 34-მა სპორტსმენმა იასპარეზა.
გაზიარება:
იმედი
წყარო: imedinews.ge