ახალგაზრდობის ეროვნული სასახლის ისტორიულ დარბაზში ბაროკოს მუსიკის საღამო გაიმართა
იმედი|imedinews.ge
თორაძის საერთაშორისო მუსიკალური ფესტივალის ფარგლებში ბაროკოს ეპოქის მუსიკა და საფორტეპიანო რეპერტუარის შედევრები სრულდება. ახალგაზრდობის ეროვნული სასახლის ისტორიულ დარბაზში უკვე შედგა ბაროკოს მუსიკის საღამო. მსმენელის წინაშე კი ანსამბლი „ვაჩე ბაროკო“ წარდგა და მე-17-18 საუკუნეების ევროპული მუსიკალური კულტურის გამორჩეული ნიმუშები შეასრულა.
დღეს 20:00 საათზე კი, სახელმწიფო კონსერვატორიის დიდ დარბაზში საერთაშორისო კონკურსების ლაურეატი და კონსერვატორიის რექტორი გიორგი ვაჩნაძე სოლო კონცერტს გამართავს.
თორაძის საერთაშორისო მუსიკალური ფესტივალი უკვე მეოთხე წელია აერთიანებს ქართველ და უცხოელ მუსიკოსებს, ახალგაზრდა შემსრულებლებსა და კლასიკური მუსიკის მოყვარულებს.
გაზიარება:
იმედი
წყარო: imedinews.ge