ალუდა ღუდუშაური პრემიერის ღია წერილზე: ვითხოვთ მხოლოდ იმას, რომ იყოს სამართლიანი დამოკიდებულება ჩვენ მიმართ

ვითხოვთ მხოლოდ იმას, რომ იყოს სამართლიანი დამოკიდებულება ჩვენ მიმართ, - განაცხადა გადაცემაში „დღის ქრონიკა“ ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველმა მოადგილემ ალუდა ღუდუშაურმა გადაცემაში „დღის ქრონიკა“.

წამყვანმა დეპუტატს კითხვა პრემიერ-მინისტრის ღია წერილთან დაკავშირებით დაუსვა.

„ვითხოვთ მხოლოდ იმას, რომ იყოს სამართლიანი დამოკიდებულება ჩვენ მიმართ. არ შეიძლება ხელისუფლების არადემოკრატიული შეცვლის კუთხით პოლიტიკის გატარება ხდებოდეს. ეს ეწინააღმდეგება არა მხოლოდ ევროკავშირის ფუნდამენტურ ღირებულებებს, არამედ მთლიანად რეალობას დღევანდელ მსოფლიოში, რადგან დღევანდელ რეალობაში ეს უბრალოდ წარმოუდგენელია“, - აღნიშნა ღუდუშაურმა.

კოპენჰაგენში განვითარებული მოვლენების ფონზე საქართველოს პრემიერ-მინისტრმა ურსულა ფონ დერ ლაიენს, ანტონიო კოშტასა და რობერტა მეცოლას ღია წერილით მიმართა, რომელზედაც ამ დრომდე ოფიციალური პასუხი არ მიუღია.