ამბროლაურის აეროპორტი „ფუძეობას“ განსაკუთრებული პროგრამით შეუერთდა
ამბროლაურში სახალხო დღესასწაული „ფუძეობა 2026“ გაიმართა. ღონისძიებას წელს პირველად შეუერთდა ამბროლაურის აეროპორტიც, სადაც სპეციალურად მოწყობილ სივრცეში პატარებს სხვადასხვა გასართობი პროგრამა, თამაშები და სახალისო აქტივობები დახვდათ.
„ამბროლაურის აეროპორტი წელს პირველად შეუერთდა სახალხო დღესასწაულს „ფუძეობა 2026“-ს. ჩვენთვის განსაკუთრებით მნიშვნელოვანი იყო, ვყოფილიყავით იმ ღონისძიების ნაწილი, რომელიც საკუთარ ფუძესთან, მშობლიურ გარემოსთან და ჩვენს ტრადიციებთან დაბრუნებას ეძღვნება. ამ დღეს პატარებისთვის ჩვენს სივრცეში სპეციალური საბავშვო პროგრამა და არაერთი საინტერესო აქტივობა დაგვხვდა“, - განაცხადა ამბროლაურის აეროპორტის დირექტორმა გიორგი მურუსიძემ.
„ფუძეობის“ დღესასწაულზე სტუმრებისთვის ღვინისა და კვების სივრცეები, ლორის პავილიონი, ადგილობრივი მეწარმეების ნამუშევრების გამოფენა-გაყიდვა და სხვადასხვა გასართობი სივრცე მოეწყო.
საღამოს პროგრამის ფარგლებში კონცერტი ჯგუფმა „ურსა“ გამართა, რის შემდეგაც ღონისძიება DJ-ის მონაწილეობით გაგრძელდა.
„ფუძეობა 2026“-ის მთავარი გზავნილი იყო - „დაუბრუნდი შენს ფუძეს“. დღესასწაულის მიზანი საკუთარ ფუძესთან, მშობლიურ გარემოსა და ტრადიციებთან დაბრუნების იდეის წარმოჩენა და რაჭის კულტურული მემკვიდრეობის პოპულარიზაცია იყო.
ინფორმაციას აეროპორტების გაერთიანება ავრცელებს.
იმედი
წყარო: imedinews.ge