ანალიტიკოსი ოთარ ჭულუხაძე სახელმწიფო დეპარტამენტის დელეგაციის განცხადებაზე: ვხედავთ, რომ გარკვეული ტიპის გადატვირთვის ნიშნები არის. ამის ნიშანი გახლავთ სწორედ, არა ორ და სამსიტყვიანი ქარდები, არამედ ვრცელი, დიპლომატიური მესიჯი
ანალიტიკოსი ოთარ ჭულუხაძე „დღის ქრონიკაში“ აშშ-ის სახელმწიფო დეპარტამენტის დელეგაციის მიერ გაკეთებულ განცხადებას გამოეხმაურა, რომელიც საელჩომ გაავრცელა.
ანალიტიკოსი მიიჩნევს, რომ აღნიშნული განცხადების გამოქვეყნება საკუთრივ აშშ-ის საელჩოს მხრიდან კომუნიკაციის თვალსაზრისით პროგრესს წარმოადგენს.
„ჩვენ გვახსოვს, რამდენიმე თვის წინ საელჩოს მხრიდან უცნაური ტიპის კომუნიკაციას ჰქონდა ადგილი. გარკვეული ქარდებით საუბარი. ამ მხრივ ეს არის უდიდესი პროგრესი. რამდენიმე მნიშვნელოვანი მესიჯი შეიძლება, აღმოგვეკითხა ამ წერილიდან, პირველი - ეს არის სუვერენიტეტზე და ამ სუვერენიტეტის საერთოობაზე საუბარი, ანუ რაც იყო ქართული სახელმწიფოებრიობის მოთხოვნა, რომ შემოგვხედეთ ჩვენ, როგორც სუვერენულ ქვეყანას, ამ წერილში ასეთი ტიპის აღიარების პასაჟები გვხვდება.
მნიშვნელოვანი პასაჟი არის ოპოზიციაზე, სადაც მითითებულია, რომ რაღაც სისტემურ პოლიტიკურ ცხოვრებაში მონაწილეობა მნიშვნელოვანია. ანუ, თუ მარტივად ვთარგმნით და სტრიქონებს შორის ამოვიკითხავთ, რაღაც ტიპის პარლამენტში შესვლა-არ შესვლაზე შეიძლება, გარკვეული კრიტიკაც ამოვიკითხოთ მათი მხრიდან, რომ ვთქვათ, ოპოზიციური ძალები უნდა ჩართულიყვნენ ამ კონსტრუქციულ ცხოვრებაში.
სხვა მხრივ, ვხედავთ, რომ გარკვეული ტიპის გადატვირთვის ნიშნები არის. ამის ნიშანი გახლავთ სწორედ, არა ორ და სამსიტყვიანი ქარდები, არამედ ვრცელი, დიპლომატიური მესიჯი“, - განაცხადა ანალიტიკოსმა, ოთარ ჭულუხაძემ.
25-28 მაისს საქართველოს მთავრობისა და ოპოზიციის ლიდერებთან გამართული შეხვედრების შემდეგ, სახელმწიფო დეპარტამენტის დელეგაციამ განცხადება გაავრცელა, რომელი აშშ-ის საელჩოს გვერდზე გამოქვეყნდა.
იმედი
წყარო: imedinews.ge