არჩილ გამზარდია: მმართველობის პრინციპის რეჟიმით, როგორი ქვეყანა მოსწონს ჩემს ხელისუფლებას, მეტყველებს იმაზე, როგორი არის ჩემი ხელისუფლება

ოთხ წელიწადში ხუთი რევოლუციის მოწყობაზე თემა მეგონა კომედიური გადაცემის ჟანრი, ერთ ფრაზაში განმიმარტეთ რა არის რევოლუცია, - იკითხა გადაცემაში „ღია ეთერი - დებატები“ პროფესორმა არჩილ გამზარდიამ.

„მე მგონია, რომ ჩვენი ხელისუფლების წევრები - შეიძლება თქვენ ხართ შესანიშნავი იურისტები, მაგრამ ვფიქრობ, რომ პოლიტიკურ განზომილებებში სათანადოდ შეიძლება კომპეტენციები არ ჰქონდეთ. რა არის რევოლუცია?

მმართველობის პრინციპის რეჟიმით, როგორი ქვეყანა მოსწონს ჩემს ხელისუფლებას, მეტყველებს იმაზე, როგორი არის ჩემი ხელისუფლება. მოსწონს ავტორიტარული და ტოტალიტარული ქვეყნები? - ე.ი ეს ხელისუფლება არის ავტორიტარული და ტოტალიტარული. მარტო ჩვენ არ გვეშინია თქვენი, თქვენ თავად გეშინიათ, იმიტომ რომ ამ ლოგიკას აფუძნებთ ფობიაზე, რომ ყველა მტერია, ვიღაცამ ფოტო გადაიღო, ვიღაცამ აზრი გამოთქვა, ნებისმიერ მათგანს შეფუთავთ დანაშაულად, როგორც კი დაგჭირდებათ “, - მიმართა გამზარდიამ სტუდიაში მმართველი გუნდის წარმომადგენლებს.