არჩილ გორდულაძე: დაპირება იყო სხვადასხვა საელჩოს წარმომადგენლების მხრიდან, ჩვენს მიერ გაცემული თანხები იქნება საჯაროვო და ჩვენ შავ ფულს ქვეყანაში არ ვატრიალებთო, ეს ნათქვამი სიტყვა არავინ შეასრულა

გამჭვირვალობის კანონთან დაკავშირებით არაერთხელ იყო კომუნიკაცია, მათ შორის დაპირება იყო სხვადასხვა საელჩოს წარმომადგენლების მხრიდან, ერთი განსაკუთრებით ამბობდა, ჩვენს მიერ გაცემული თანხები იქნება საჯაროვო და ჩვენ შავ ფულს ქვეყანაში არ ვატრიალებთო, ეს ნათქვამი სიტყვა არავინ შეასრულა, - განაცხადა გადაცემაში “ღია ეთერი - დებატები” პარლამენტის იურიდიულ საკითხთა კომიტეტის თავმჯდომარე არჩილ გორდულაძემ.

მისივე თქმით, ამიტომაც საქართველოს პარლამენტის ქმედება, მაგალითად გამჭვირვალობის კანონი, არის ხელისუფლების რეაქცია და არა ინიციატივა.

“გრანტების შესახებ კანონში ორჯერ განხორციელდა ცვლილება, რომელიც ავალდებულებს გრანტის გამცემს, რომ შეათანხმოს საქართველოს მთავრობასთან გრანტის გაცემა, ერთ-ერთმა საელჩომ გრანტი ისე გასცა, რომ თანხმობისთვის არ მიუმართავს საქართველოს მთავრობისთვის, იმიტომ რომ უნდოდა გვერდი აერიდებინა ამ ყველაფრისთვის. მეორე საკითხი, მაგალითად, იმისთვის, რომ “ფარას” კანონიდან გაქცეულიყვნენ ევროკავშირის ფონდი შექმნეს, ამ ფონდიდან აფინანსებდნენ კონკრეტულ არასამთავრობო ორგანიზაციას, რომელიც თანხების დივერსიფიცირებას ახდენდა. მაგალითად, წამების მსხვერპლი ადამიანების მხარდამჭერი პროგრამა იყო და შემდეგ ამ ფულს აძლევდნენ ზიბზიბაძეს, რომელიც არის “ფრაკლინის კლუბის” დამფუძნებელი”, - განაცხადა არჩილ გორდულაძემ.