არჩილ გორდულაძე გორში მომხდარ ინციდენტთან დაკავშირებით ოპოზიციის სპეკულაციებზე: „ნაციონალური მოძრაობა“, რომელიც სისხლის კალოს ატრიალებდა მთელი საქართველოს ტერიტორიაზე, ახლა ბედავს და სისტემურ დანაშაულზე საუბრობს. მყისიერი იყო სახელმწიფოს რეაქცია, კანონი კანონობს

„ნაციონალური მოძრაობა“, რომელიც სისხლის კალოს ატრიალებდა მთელი საქართველოს ტერიტორიაზე, ახლა ბედავს და სისტემურ დანაშაულზე საუბრობს. მყისიერი იყო სახელმწიფოს რეაქცია, კანონი კანონობს, - განაცხადა პარლამენტის იურიდიულ საკითხთა კომიტეტის თავმჯდომარემ არჩილ გორდულაძემ გორში მომხდარ ინციდენტთან დაკავშირებით ოპოზიციის სპეკულაციებზე.

მისი თქმით, სახელმწიფოს რეაგირება იყო მყისიერი.

„ნაციონალური მოძრაობა“, რომელიც სისხლის კალოს ატრიალებდა მთელი საქართველოს ტერიტორიაზე, ახლა ბედავს და სისტემურ დანაშაულზე საუბრობს. მყისიერი იყო სახელმწიფოს რეაქცია, კანონი კანონობს. ყველა, ვინც დანაშაულს ჩაიდენს, მიუხედავად იმისა, რა პოზიციაზე იქნება, რა თანამდებობაზე იქნება, რა პროფესიის იქნება, რა თქმა უნდა, კანონის მთელი სიმკაცრით მიეცემა პასუხისგებაში. ამათი განცხადებები კიდევ ერთი ცრუ ნარატივისა და კამპანიის ნაწილია, რომლითაც ეს ადამიანები ცდილობენ, რომ მაგალითად, მეგის ქარდავა წარმოგვიჩინონ უფლებადამცველად. მათ ქმედებებზე სტრასბურგის სასამართლოს აქვს ნათქვამი, რომ ადგილი ჰქონდა სისტემურ და სისტემატურ წამებას“, - განაცხადა არჩილ გორდულაძემ.

სამსახურებრივი უფლებამოსილების ძალადობით გადამეტების ფაქტზე დაკავებული სამართალდამცველებისთვის აღკვეთის ღონისძიების შეფარდებაზე სასამართლო დღეს იმსჯელებს.