არჩილ გორდულაძე კაია კალასზე: მაშინ, როდესაც ჩვენ გვიწუნებენ დემოკრატიას, თვითონვე უგულებელყოფს დემოკრატიის საფუძველს

მაშინ, როდესაც ეს ადამიანი ერთმანეთისგან მიჯნავს ქართულ საზოგადოებას, მის მიერ მიღებული გადაწყვეტილების შედეგად არჩეულ ხელისუფლებას, ეს პირდაპირ არის ძირგამომთხრელი საქმიანობა დემოკრატიის კუთხით, - განაცხადა იურიდიულ საკითხთა საპარლამენტო კომიტეტის თავმჯდომარემ, არჩილ გორდულაძემ კაია კალასზე საუბრისას.

მისივე თქმით, კაია კალასი სამწუხაროდ ადგას დემოკრატიის უკუსვლის გზას.

„მაშინ, როდესაც ჩვენ გვიწუნებენ დემოკრატიას, თვითონვე უგულებელყოფს დემოკრატიის საფუძველს. მაგალითად ერთ-ერთი ევროკომისარი საუბრობს, რომ არ უნდა სცენ ჩვენი ქვეყნის კანონმდებლობას პატივი და ისინი ყველანაირ გზას ეძებენ, რომ შავი ფული შემოიტანონ ჩვენ ქვეყანაში, ეს არის კიდევ ერთი დემოკრატიული უკუსვლის თვალსაჩინო მაგალითი“, - აღნიშნა არჩილ გორდულაძემ.

ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში კაია კალასი აცხადებს, რომ ევროკავშირში გაწევრების სურვილის მიუხედავად, საქართველოს ხელისუფლება არასწორი მიმართულებით დგამს ნაბიჯს. მიზეზად დაფინანსების გამოყოფის შეზღუდვას ასახელებს. საუბარია საქართველოს ხელისუფლების მიერ გამჭვირვალობის უზრუნველყოფაზე.