არჩილ გორდულაძე კანდიდატი ქვეყნების პარლამენტების თავმჯდომარეების კონფერენციის ფორმატზე: ნებისმიერი პლატფორმა მნიშვნელოვანია ჩვენი ქვეყნის ინტერესისა და ჩვენი ხმის გასაჟღერებლად. ვნახოთ, როგორი იქნება ორგანიზაციის შემდეგი ფუნქციონირება

იურიდიულ საკითხთა საპარლამენტო კომიტეტის თავმჯდომარე არჩილ გორდულაძემ გადაცემაში „დღის ქრონიკა" კანდიდატი ქვეყნების პარლამენტების თავმჯდომარეების კონფერენციაზე ისაუბრა.

მისი თქმით, შალვა პაპუაშვილმა ეს პლატფორმა ქვეყნის ინტერესის და ხმის გასაჟღერებლად გამოიყენა.

„ნებისმიერი პლატფორმა მნიშვნელოვანია ჩვენი ქვეყნის ინტერესისა და ჩვენი ხმის გასაჟღერებლად. ბატონმა შალვა პაპუაშვილმაც იგივე გააკეთა. ვნახოთ, როგორი იქნება ორგანიზაციის შემდეგი ფუნქციონირება. ზოგადად, ჩვენ არაერთხელ გაგვიგია ევროკავშირის არაერთი ბიუროკრატისგან, გაფართოებასთან დაკავშირებული სკეპტიციზმები. ასევე, გვინახავს განცხადებები, რომ თურმე არსებობენ წევრი ქვეყნები და ნაკლებად წევრი ქვეყნები. ასეთი დამოკიდებულება პირდაპირ ეწინააღმდეგება ევროკავშირის, ზოგადად ინსტიტუციის მთავარ საფუძვლებს, რომელიც თანასწორობაზეა ორიენტირებული. ასეთი განცხადებების კეთება წარმოუდგენელია, როგორ შეუძლია ევროკავშირის მოქმედ ბიუროკრატიას. სწორი შეფასება გააკეთა ტრამპის ადმინისტრაციამ, რომ ცივილიზაციის უფსკრულის პირასაა მისული ახლანდელი ევროკავშირის ხელმძღვანელობა“, - აღნიშნა გორდულაძემ.