პარიზმა კოსმოსის საერთაშორისო სამიტს უმასპინძლა - გავლენები კოსმოსიდან. „იმედის კვირის“ სპეციალური რეპორტაჟი
ახლახან მსოფლიო ყურადღების ცენტრში პარიზი მოექცა. საფრანგეთის დედაქალაქმა კოსმოსის საერთაშორისო სამიტს უმასპინძლა.
მსოფლიო ლიდერებთან ერთად, მასშტაბურ ფორუმში საქართველოს პრემიერ-მინისტრი მონაწილეობდა. კოსმოსის თემაზე ასეთი მასშტაბის, უმაღლესი დონის შეკრება პირველად გაიმართა. 120-მდე ქვეყნისა თუ საერთაშორისო ორგანიზაციების წარმომადგენლებმა კოსმოსის მომავალზე, ახალი ტექნოლოგიების განვითარებასა და საერთაშორისო თანამშრომლობის გაძლიერებაზე იმსჯელეს.
სამიტის ერთ-ერთი მთავარი საკითხი, ევროპის კოსმოსური დამოუკიდებლობის გაძლიერება იყო. დღის წესრიგში განსაკუთრებული ადგილი დაიკავა სატელიტურმა კომუნიკაციებმა, კოსმოსის უსაფრთხოებამ, ასევე მთვარისა და მარსის სამომავლო მისიებმა.
საფრანგეთის ხედვით, ევროპამ კოსმოსში საკუთარი შესაძლებლობები უნდა გააძლიეროს და გლობალურ კონკურენციაში უფრო მნიშვნელოვანი როლი ითამაშოს. მაგრამ როგორ იქცა კოსმოსი უსაფრთხოების, სამხედრო ძალისა და ეკონომიკური კონკურენციის ახალ სივრცედ? ვინ ადგენს თამაშის წესებს კოსმოსში და რაც მთავარია, ვინ ცდილობს ამ წესების კოსმოსიდან დედამიწაზე გადმოტანას?
საბა ხვიჩიას სპეციალური რეპორტაჟი უწონადობის სივრცეზეა - ადგილზე, სადაც მიკროგრავიტაცია ადამიანებს ხელს არ უშლის, კოსმოსი ახალი გლობალური ბრძოლის ველად აქციონ.
იმედი
წყარო: imedinews.ge