არის თუ არა გამოხატვის თავისუფლება პოლიტიკური მიზნებით გაჯერებული აგრესია - დაფიქრდი, სანამ შეურაცხყოფ. „იმედის კვირის“ სპეციალური რეპორტაჟი

რეგულაცია, რომელიც „კლავიატურის ლომებს“ შეახსენებს, რომ კატისებრთა ოჯახს წარმოადგენენ - სოციალური ქსელები, რომელიც ერთ დროს თავისუფალი აზრისა და კომუნიკაციის საუკეთესო საშუალებად მიიჩნეოდა, დღეს უკვე ზიზღის, აგრესიისა და მიზანმიმართული შეურაცხყოფის პლატფორმად იქცა.

სწორედ ვირტუალური სივრცეა ის ადგილი, სადაც რადიკალური ჯგუფები წლების განმავლობაში კარგად დაგეგმილი სცენარით, სიძულვილის ენას პოლიტიკური ბრძოლის ყველაზე ეფექტიან იარაღად და საზოგადოებაში პოლარიზაციის გაღრმავებისთვის იყენებენ.

არის თუ არა გამოხატვის თავისუფლება პოლიტიკური მიზნებით გაჯერებული აგრესია, ვირტუალური სასამართლო, ლანძღვა-გინება, ბულინგი თუ მუქარა…

სიძულვილის ენა მსოფლიოსთვის გამოწვევას წარმოადგენს. ბევრ ქვეყანას მოუხდა რეგულაციების ამოქმედება და კითხვებზე პასუხების გაცემა - შესაძლებელია თუ არა სიძულვილის ენასთან გამკლავება ისე, რომ სიტყვის თავისუფლება არ დაზიანდეს? სად გადის ზღვარი გამოხატვის თავისუფლებას, განსხვავებულ აზრს, მწვავე კრიტიკასა და ორგანიზებულ სიძულვილს შორის?

დაფიქრდი, სანამ შეურაცხყოფ - ნახეთ ცოტნე გეგეჭკორის სპეციალური რეპორტაჟი.