აშშ-ის ხაზინის მდივანი ვარაუდობს, რომ მსოფლიოში ნავთობის ფასების მკვეთრი კლება წლის ბოლომდე მოხდება

აშშ-ის ხაზინის მდივანი ვარაუდობს, რომ მსოფლიოში ნავთობის ფასების მკვეთრი კლება წლის ბოლომდე მოხდება. ამის თაობაზე სკოტ ბესენტმა „ფოქს ბიზნესთან“ ისაუბრა.

მან ოპტიმისტურად ილაპარაკა ჰორმუზის სრუტეზე, რომელიც ირანმა კომერციული მიმოსვლისთვის დაკეტა. მისი თქმით, ადრე თუ გვიან თეირანს დათმობაზე წასვლა მოუწევს.

„3 კვირის წინ პრეზიდენტმა ტრამპმა თავად მისცა ფინანსთა სამინისტროს ბრძანება და დაიწყო ე.წ. ეკონომიკური მრისხანება. ჩვენ ვახრჩობთ რეჟიმს და მათ არ შეუძლიათ, თავიანთ ჯარისკაცებს ანაზღაურება გადაუხადონ. ეს არის რეალური ეკონომიკური ბლოკადა და ეს ეხება მთავრობის თითოეულ წევრს“, - აღნიშნა სკოტ ბესენტმა.