აშშ-ის საელჩომ კიევში კალასის განცხადება ევაკუაციასთან დაკავშირებით უარყო

აშშ-ის საელჩო კიევში ღიაა და ჩვეულ რეჟიმში აგრძელებს მუშაობას, - აღნიშნულია დიპლომატიური წარმომადგენლობის მიერ გავრცელებულ განცხადებაში.

„აშშ-ის საელჩო ღიაა. ჩვენს მუშაობაში არავითარი ცვლილება არ შესულა და ნებისმიერი განცხადება, რომელიც საპირისპიროს ამტკიცებს, არის სიყალბე. სახელმწიფო დეპარტამენტისთვის ამერიკელების უსაფრთხოებას უპირველესი მნიშვნელობა აქვს და ის რეგულარულად სწავლობს კიევში საელჩოს უსაფრთხოებას. კიდევ ერთხელ ხაზს ვუსვამთ, რომ ამერიკელებმა შეიარაღებული კონფლიქტის გამო უკრაინაში მოგზაურობისგან თავი უნდა შეიკავონ“, - აღნიშნულია განცხადებაში.

ცნობისთვის, ევროკავშირის უმაღლესმა წარმომადგენელმა საგარეო ურთიერთობათა საკითხებში კაია კალასმა დღეს დილით განაცხადა, რომ რუსეთის მუქარის შემდეგ აშშ-მა კიევიდან საკუთარი საელჩოს თანამშრომლები გაიყვანა.

The U.S. Embassy is open. There are no changes to our operations and reports otherwise are false. The State Department has no higher priority than the safety and security of Americans and regularly reviews the security posture of Embassy Kyiv. We reiterate our message that… pic.twitter.com/gdkePakita — U.S. Embassy Kyiv (@USEmbassyKyiv) May 28, 2026