აშშ-ის უზენაესმა სასამართლომ დაბლოკა დონალდ ტრამპის მცდელობა, გაეუქმებინა დაბადებით მოქალაქეობის უფლება
აშშ-ის უზენაესმა სასამართლომ დაბლოკა დონალდ ტრამპის მცდელობა, გაეუქმებინა დაბადებით მოქალაქეობის უფლება, რომელიც ქვეყანაში საუკუნეზე მეტია მოქმედებს. სასამართლომ ბათილად ცნო პრეზიდენტის ის განკარგულება, რომელიც მისი პოლიტიკური დღის წესრიგის ერთ-ერთი ქვაკუთხედი იყო, მიუხედავად იმისა, რომ იურიდიულად ეს ნაბიჯი თავიდანვე საკამათო იყო.
ეს გადაწყვეტილება მნიშვნელოვანი მარცხია პრეზიდენტისთვის, რომელმაც საარჩევნო კამპანიის ნაწილი „სამშობიარო ტურიზმის“ დასრულებაზე ააგო და რომლის მეორე ვადის პოლიტიკაც, დიდწილად, არალეგალური და ლეგალური მიგრაციის შეზღუდვის მცდელობებით განისაზღვრა.
სასამართლოს გადაწყვეტილება ძალაში ტოვებს იმ პრინციპს, რომლის მიხედვითაც, შეერთებულ შტატებში დაბადებული ნებისმიერი პირი მოქალაქეა, მიუხედავად იმისა, არიან თუ არა მისი მშობლები ამ ქვეყნის მოქალაქეები.
სასამართლოს შემადგენლობის უმრავლესობისთვის დასკვნა მთავარმა მოსამართლემ, ჯონ რობერტსმა დაწერა. გადაწყვეტილებას სამი კონსერვატორი მოსამართლე - კლარენს თომასი, სამუელ ალიტო და ნილ გორსაჩი - არ დაეთანხმა.
„მოქალაქეობა, როგორც მაშინ, ისე ახლა, არის უფლება გქონდეს უფლებები - თავისუფლად მონაწილეობდე ჩვენს პოლიტიკურ საზოგადოებაში“, - დაწერა რობერტსმა სასამართლოს სახელით. „მე-14 შესწორების ავტორებმა ეს დაპირება გაავრცელეს ამ მიწაზე დაბადებულ ყველა თავისუფალ ადამიანზე. ჩვენ დღეს ამ დაპირებას ვიცავთ.“
იმედი
წყარო: imedinews.ge