აშშ-ში თავშესაფრის მიღების სანაცვლოდ, ყალბი ოფიციალური დოკუმენტის დამზადება-გასაღების საქმეზე სასამართლო პროცესი მიმდინარეობს
აშშ-ში თავშესაფრის მიღების სანაცვლოდ, ყალბი ოფიციალური დოკუმენტის დამზადება-გასაღების ფაქტებზე ბრალდებულთა აღკვეთის ღონისძიების შეფარდებაზე სასამართლო მსჯელობს.
როგორც საქმის პროკურორმა განაცხადა, პროკურატურამ სასამართლოს 3 ბრალდებულის მიმართ პატიმრობის, ხოლო 1 ბრალდებულისთვის გირაოს გამოყენების მოთხოვნით მიმართა.
„ბრალდების მხარეს აქვს ათეულობით მტკიცებულება მოპოვებული. ასევე ჩატარდა ერთ-ერთი ბრალდებულის სახლის და ოფისის ჩხრეკა, რა დროსაც ამოიღეს ელექტრონული მოწყობილობები. ამ მოწყობილობებში მოთავსებულია ის ე.წ. ქეისები, რომლებიც გახლავთ ყალბი ისტორიები და ამის განსამტკიცებლად მათ წარმოდგენილი ჰქონდათ ცნობები, რომლებიც დადასტურებული იყო მათივე ყალბი ბეჭდებით“, - განაცხადა პროკურორმა.
რაც შეეხება დაცვის მხარეს, ერთ-ერთი ბრალდებულის ადვოკატმა მედიასთან განაცხადა, რომ მისი დაცვის ქვეშ მყოფი ნაწილობრივ ეთანხმება ბრალდებას, რაც მათ სასამართლო პროცესზე აღკვეთ ღონისძიებად გირაოს შეფარდების მოთხოვნის საფუძველს მისცემს.
იმედი
წყარო: imedinews.ge