აზერბაიჯანის პარლამენტმა აშშ-ის კონგრესის მიერ მიღებულ კანონპროექტთან დაკავშირებით პროტესტი გამოთქვა
აზერბაიჯანის პარლამენტი აშშ-ის კონგრესის წარმომადგენელთა პალატის საგარეო ურთიერთობათა კომიტეტის მიერ მიღებულ კანონპროექტს გმობს და ამასთან დაკავშირებით პროტესტს გამოთქვამს. ინფორმაციას აზერბაიჯანული მედია ავრცელებს.
აზერბაიჯანის პარლამენტის პრესისა და საზოგადოებასთან ურთიერთობის განყოფილების განცხადებით, 22 ივლისს წარმომადგენელთა პალატის საგარეო ურთიერთობათა კომიტეტის მიერ მიღებული კანონპროექტი შეიცავს უსაფუძვლო ბრალდებებს აზერბაიჯანის მისამართით.
„ეს არის ინიციატივა, რომელიც საერთაშორისო სამართლის პრინციპებისა და ნორმების უგულებელყოფის ნათელი მაგალითია, წარმოადგენს მორიგ მცდელობას აშშ-ის კონგრესი გამოყენებული იყოს აზერბაიჯანზე პოლიტიკური წნეხის ინსტრუმენტად სომხური ლობის ინტერესებში“, - აღნიშნულია პარლამენტის განცხადებაში.
აზერბაიჯანის საკანონმდებლო ორგანოში მიიჩნევენ, რომ კანონპროექტის ავტორები სომხურ ლობისტურ ჯგუფებთან არიან დაკავშირებულნი.
იმედი
წყარო: imedinews.ge