აზერბაიჯანმა ევროპარლამენტთან ურთიერთობა შეაჩერა

აზერბაიჯანის პარლამენტმა მიიღო დადგენილების პროექტი, რომლის თანახმადაც ოფიციალური ბაქო ევროპარლამენტთან ურთიერთობას აჩერებს. ინფორმაციას აზერბაიჯანული მედია ავრცელებს.

მედიის თანახმად, აღნიშნული გადაწყვეტილება ევროპარლამენტის ანტიაზერბაიჯანული საქმიანობის გამო მიიღეს.

როგორც რეზოლუციის პროექტშია აღნიშნული, ევროპარლამენტის დესტრუქციული პოზიცია ორმხრივი და მრავალმხრივი ურთიერთობების განვითარების მთავარ შემაფერხებელ ფაქტორად იქცა.

აზერბაიჯანის პარლამენტი ევროპარლამენტთან თანამშრომლობას ყველა მიმართულებით აჩერებს.

გარდა ამისა, რეზოლუციის მიხედვით, აზერბაიჯანი ევრონესტის საპარლამენტო ასამბლეასაც ტოვებს.