ბავშვთა დაცვის საერთაშორისო დღესთან დაკავშირებით, დაავადებათა კონტროლის ცენტრის ორგანიზებით, საინფორმაციო-შემეცნებითი აქტივობები ჩატარდა

ბავშვთა დაცვის საერთაშორისო დღესთან დაკავშირებით, დაავადებათა კონტროლისა და საზოგადოებრივი ჯანმრთელობის ეროვნული ცენტრის ორგანიზებით, სავაჭრო ცენტრ „ისთ ფოინთში“, ბავშვებისთვის საინფორმაციო-შემეცნებითი აქტივობები ჩატარდა.

ჯანდაცვის სამინისტროს ინფორმაციით, ღონისძიება მიზნად ისახავდა ჯანსაღი ცხოვრების წესის პოპულარიზაციას, ბავშვთა უფლებებისა და მათ განვითარებაზე ზრუნვის მნიშვნელობაზე ცნობიერების ამაღლებას. ასევე, ხელისა და პირის ღრუს ჰიგიენის დაცვის აუცილებლობის ხაზგასმას.

მათივე განცხადებით, დაავადებათა კონტროლის ეროვნული ცენტრი მუდმივად უჭერს მხარს ბავშვთა კეთილდღეობაზე, ჯანმრთელობასა და ჯანსაღი ცხოვრების წესის პოპულარიზაციაზე მიმართულ ინიციატივებს.

ცენტრის გენერალურმა დირექტორმა ირაკლი ფურცელაძემ, მოადგილეებთან პაატა იმნაძესთან, ეკა ადამიასთან და თანამშრომლებთან ერთად, შეკრებილ პატარებს დღესასწაული მიულოცა და თემატური საჩუქრები, საინფორმაციო გასაფერადებლები, ფანქრები და ბუშტები გადასცა.