ბელგიის ცენტრალური ბანკის ხელმძღვანელი აცხადებს, რომ ევროპა გლობალურ ეკონომიკურ ცვლილებებზე სწრაფად არ რეაგირებს

ბელგიის ცენტრალური ბანკის ხელმძღვანელმა, პიერ ვუნშმა Financial Times-ს განუცხადა, რომ ევროპა გლობალურ ეკონომიკურ ცვლილებებზე სწრაფად არ რეაგირებს, რის გამოც ჩამორჩება შეერთებული შტატებისა და ჩინეთის მიერ ინიცირებულ გეოპოლიტიკურ რეალობას.

„ვაჭრობისთვის გახსნილობა და სახელმწიფო დახმარების მკაცრი წესები მუშაობს ისეთ სამყაროში, რომელიც წესებს ეფუძნებოდა. ეს სამყარო აღარ არსებობს და თუ ზედმეტად ჩაებღაუჭებით იმას, რაც უკვე წარსულს ჩაბარდა, უბრალოდ გულუბრყვილო იქნებით“, - განაცხადა ვუნშმა.

​მან ასევე აღნიშნა, რომ ევროპამ მეტი უნდა გააკეთოს ახალი ტექნოლოგიების ათვისების კუთხით, რადგან მზარდი ჩამორჩენა აქვს ხელოვნური ინტელექტისა და რობოტექნიკის სფეროებში.