ბელგრადის დეკლარაცია მიღებულია - ევროკავშირის წევრობის კანდიდატი ქვეყნების პარლამენტების თავმჯდომარეთა პირველი კონფერენციის მონაწილეები შეთანხმდნენ, რომ კანდიდატი ქვეყნების ერთიანობა მნიშვნელოვანია

ბელგრადის დეკლარაცია მიღებულია - ევროკავშირის წევრობის კანდიდატი ქვეყნების პარლამენტების თავმჯდომარეთა პირველი კონფერენციის მონაწილეები შეთანხმდნენ, რომ კანდიდატი ქვეყნების ერთიანობა მნიშვნელოვანია. დეკლარაციის ხელმომწერები ევროპული მომავლის ერთგულებას ადასტურებენ და თანხმდებიან, რომ ინტეგრაციას კანდიდატებს შორის ერთობა სჭირდება.

დეკლარაციით, კანდიდატი ქვეყნები შეთანხმდნენ, რომ ევროპული ინტეგრაციის გზაზე არსებულ პრობლემებს ერთობლივად გაუმკლავდებიან და ერთმანეთს ცოდნასა და გამოცდილებას გაუზიარებენ. ახალი ფორმატის მონაწილეები ასევე მიმართავენ ევროპულ ინსტიტუტებსა და ეუთოს საპარლამენტო ასამბლეას, რათა კანდიდატი ქვეყნების ინიციატივას დამკვირვებლის სტატუსით შეუერთდნენ. შეთანხმდნენ, რომ ახალი ფორმატის მომდევნო მასპინძელი ქვეყანა მოლდოვა იქნება.

როგორც ცნობილია, დეკლარაციას მიუერთდა საქართველოც.