Bloomberg: გერმანია, საფრანგეთი და დიდი ბრიტანეთი პუტინთან მოლაპარაკებებისთვის ემზადებიან
გერმანიის, საფრანგეთისა და დიდი ბრიტანეთის ოფიციალური პირები ამზადებენ გეგმას, რომელიც უკრაინაში ომის დასასრულებლად რუსეთთან მოლაპარაკებების გამართვას გულისხმობს. ინფორმაციას Bloomberg-ი ავრცელებს.
სააგენტოს ცნობით, აღნიშნული ქვეყნების წარმომადგენლებმა საკითხთან დაკავშირებით უკრაინელ პარტნიორებთან უკვე გამართეს მოლაპარაკებები.
როგორც Bloomberg-ს რამდენიმე წყარომ განუცხადა, სამი ევროპული ქვეყანა ფრონტის ხაზზე რუსული ჯარის დანაკარგების ფონზე რუსეთის პრეზიდენტის ვლადიმერ პუტინის დიალოგში ჩართვის შესაძლებლობას განიხილავს.
სააგენტოს ცნობით, უკრაინული ჯარი სულ უფრო მეტ წარმატებას აღწევს, განსაკუთრებით დრონებით რუსეთის ტერიტორიის დაბომბვის საკითხში, რის გამოც მოსკოვში ხელისუფლების უმაღლესი რანგის წარმომადგენლები ომს ეწინააღმდეგებიან.
მოლაპარაკებების დაწყებით, მოკავშირეები ცდილობენ თავიდან აიცილონ კიდევ ერთი მძიმე ზამთარი, რა დროსაც რუსეთი უკრაინის ენერგეტიკულ ინფრასტრუქტურაზე შეტევებს გააძლიერებს, წერს Bloomberg-ი.
იმედი
წყარო: imedinews.ge