Bloomberg: ზელენსკი ამ ზაფხულს რუსეთის ახალ შეტევას ელოდება და პარტნიორებს ჰაერსაწინააღმდეგო სისტემის გაძლიერებას სთხოვს

უკრაინის პრეზიდენტმა ვოლოდიმირ ზელენსკიმ მოკავშირეებს უთხრა, რომ მიმდინარე ზაფხულს რუსეთის ახალ შეტევას ელოდება. ინფორმაციას Bloomberg-ი ავრცელებს.

სააგენტოს ცნობით, უკრაინის ლიდერმა სთხოვა პარტნიორებს ჰაერსაწინააღმდეგო თავდაცვის სისტემებისა და რაკეტების მიწოდება დააჩქარონ.

როგორც Bloomberg-ი იუწყება, აღნიშნული საკითხი ზელენსკიმ ერევანში გამართულ ევროპის პოლიტიკური საზოგადოების სამიტზე მოკავშირეებთან და ნატოს გენერალურ მდივანთან მარk რუტესთან შეხვედრების დროს დააყენა.

რამდენიმე წყარომ სააგენტოს განუცხადა, რომ უკრაინის ხელისუფლება მომავალი ზამთრისთვის ემზადება და შიშობს, რომ რუსეთი ენერგეტიკული ინფრასტრუქტურის დაბომბვას კვლავ გააგრძელებს.

კერძოდ, ზელენსკიმ შეხვედრებზე განაცხადა, რომ რუსეთმა ფრონტზე მნიშვნელოვან წარმატებას ვერ მიაღწია, თუმცა ზაფხულში ის ახალი შეტევის დაწყებას გეგმავს.