ბრიტანეთი მაისისთვის რეკორდულად მაღალი ტემპერატურისთვის ემზადება🌡️

დიდი ბრიტანეთი რეკორდული სიცხისთვის ემზადება. ნისლიან ალბიონზე ჰაერის ტემპერატურამ სეზონისთვის უჩვეულო მაჩვენებელს უკვე მიაღწია. თერმომეტრი +31 გრადუს ცელსიუსს უჩვენებს და სინოპტიკოსების პროგნოზით, ის +34 გრადუსამდე გაიზრდება, რაც ამ პერიოდისთვის ლონდონის ჩვეულ ტემპერატურას 10 გრადუსით აჭარბებს.

აქამდე ბრიტანეთში მაისში ყველაზე მაღალი ტემპერატურა +32.8 გრადუსს შეადგენდა. ამ მაჩვენებლის დაფიქსირების შემდეგ 80 წელზე მეტი გავიდა.