ბრიტანეთის მოქალაქე მეთიუ როი დესმონდი საპროცესო შეთანხმების საფუძველზე გათავისუფლდა
ბრიტანეთის მოქალაქე, მეთიუ როი დესმონდი საპროცესო შეთანხმების საფუძველზე გათავისუფლდა. ის სასამართლოდან საემიგრაციო სამსახურმა გადაიყვანა. მას სამშობლოში დააბრუნებენ.
დესმონდი საქართველოში შემოსვლის დროს დააკავეს. მას ქვეყანაში აკრძალული პრეპარატები შემოჰქონდა. საქმე ეხება „პრეგაბალინს", "ბუპრენორფინსა" და "კოდეინს". ბრიტანეთის მოქალაქეს 100 000 ლარის ჯარიმის გადახდა დაეკისრა.
ადვოკატ ჯაბა კოჭლამაზაშვილის განცხადებით, ბრიტანეთის მოქალაქეს ბილეთი უკვე ნაყიდი აქვს და სამშობლოში ხვალ გაფრინდება.
„მას ედავებოდნენ ნარკოტიკული საშუალებების საქართველოში შემოტანას. პრობლემა იყო ის, რომ ის დოკუმენტაცია, რომელიც ჩვენ შემდგომ წარდვადგინეთ საგამოძიებო უწყებაში, მას სათანადო წესით არ ჰქონდა დამოწმებული. მას არ უნდოდა რისკზე წასვლა, დავა და ერჩივნა, რომ გათავისუფლებულიყო და დაბრუნებულიყო ოჯახთან. აღარ გარისკა ამ ადამიანმა, დათანხმდა იმ პრიობას, რაც ბრალდების მხარემ შემოგვთავაზა”, - განაცხადა ადვოკატმა.
იმედი
წყარო: imedinews.ge