ბულგარეთმა უკრაინის მხარდამჭერი „მსურველთა კოალიცია“ დატოვა

ბულგარეთი აღარ მიიღებს მონაწილეობას „მსურველთა კოალიციაში“, რომელშიც გაერთიანებული არიან რუსეთთან ომში უკრაინის დამხმარე ქვეყნები.

„ჩვენ არ ვმონაწილეობთ კოალიციაში, რომელიც უკრაინისთვის ფინანსური და სამხედრო დახმარების გაგრძელებას ითხოვს. ამ კონფლიქტის გადაჭრა მდგომარეობს არა მის სამხედრო საშუალებებით გაჭიანურებაში, არამედ ძლიერ დიპლომატიურ მისიაში, რომელიც ბოლოს მოუღებს ესკალაციას“, - განაცხადა ბულგარეთის პრემიერ-მინისტრმა რუმენ რადევმა.

Bloomberg-ი წერს, რომ რადევი თანმიმდევრულად ეწინააღმდეგება უკრაინისთვის ფინანსური დახმარების გაწევას და თავს რუსეთთან ურთიერთობებში „პრაგმატული მიდგომის“ მომხრედ მიიჩნევს.

ბულგარეთის წარმომადგენლებს მონაწილეობა არ მიუღიათ „მსურველთა კოალიციის“ მონაწილე ქვეყნების ლიდერთა შეხვედრაში, რომელიც პარიზში 13 ივლისს გაიმართა, თუმცა ისინი წინა სამიტებში მონაწილეობდნენ.

„მსურველთა კოალიციის“ შექმნის შესახებ 2025 წლის გაზაფხულზე დიდი ბრიტანეთისა და საფრანგეთის ხელისუფლებამ გამოაცხადა. მასში გაწევრიანებულია 30-მდე ქვეყანა, მათ შორის ევროკავშირის სახელმწიფოები, აშშ, ავსტრალია და იაპონია.