CNN: ინტენსიური მოლაპარაკებები ირანის მაღალი დონის დელეგაციასთან დოჰაში კვლავ გრძელდება

ინტენსიური მოლაპარაკებები, რომლებიც დღეს დილით კატარში დაიწყო რეგიონული კონფლიქტის დასრულების შესახებ შეთანხმების დეტალებზე, კვლავ გრძელდება, - განუცხადა დიპლომატიურმა წყარომ CNN-ს.

მაღალი დონის დელეგაცია, რომლის შემადგენლობაშიც შედიან ირანის მთავარი მომლაპარაკებელი მოჰამად ბაღერ გალიბაფი, საგარეო საქმეთა მინისტრი აბას არაღჩი და ცენტრალური ბანკის მმართველი აბდოლნასერ ჰემატი, დოჰაში ორშაბათს დილით ჩავიდა ჰორმუზის სრუტესა და ირანის მაღალგამდიდრებულ ურანთან დაკავშირებულ საკითხებზე მოლაპარაკებებისთვის - აღნიშნა წყარომ.

განსახილველ თემებს შორისაა ირანის გაყინული სახსრები. მოლაპარაკებები კატარელ შუამავლებსა და ირანის დელეგაციას შორის, ამერიკის შეერთებულ შტატებთან კოორდინაციით მიმდინარეობს, დასძინა წყარომ.