CNN: რუსეთის პრეზიდენტის სპეციალური წარმომადგენელი ნიუ-იორკში უიტკოფსა და კუშნერს შეხვდა

რუსეთის პირდაპირი ინვესტიციების ფონდის ხელმძღვანელი და კრემლის სპეციალური წარმომადგენელი კირილ დმიტრიევი ნიუ-იორკში აშშ-ის პრეზიდენტის დონალდ ტრამპის წარმომადგენლებს სტივ უიტკოფსა და ჯარედ კუშნერს შეხვდა. ინფორმაციას BBC-ი ავრცელებს.

ტელეარხის ცნობით, შეხვედრაზე აშშ-რუსეთის თანამშრომლობისა და უკრაინაში ომის მშვიდობიანი გზით დასრულების საკითხები განიხილეს.

წყაროების ცნობით, დმიტრიევი ნიუ-იორკში სამშვიდობო ძალისხმევის გასაგრძელებლად და რუსეთსა და აშშ-ს შორის დიალოგის ხელშეწყობის მიზნით იმყოფებოდა. მისი ვიზიტი მოჰყვა რუსეთის პრეზიდენტის ვლადიმერ პუტინისა და აშშ-ის წარმომადგენლების შეხვედრას, რომელიც მიმდინარე თვის დასაწყისში გაიმართა.

დმიტრიევის, უიტკოფისა და კუშნერის შეხვედრამდე ორი დღით ადრე აშშ-ის სახელმწიფო მდივანი მარკო რუბიო და რუსეთის საგარეო საქმეთა მინისტრი სერგეი ლავროვი გაეროს გენერალური ასამბლეის ფარგლებში ერთმანეთს შეხვდნენ.

გაეროს გენერალურ ასამბლეაზე ტრამპმა კიდევ ერთხელ განაცხადა, რომ მისი აზრით, რუსეთი და უკრაინა შეთანხმებას მიაღწევენ, მაშინ როდესაც რუსეთის ომი უკრაინაში გრძელდება, იუწყება CNN-ი.